跳到主要內容

發表文章

💛食物有質素,性價比超高,必試脆炸吉列蝦·紅咖喱麵包碗😋👍🏻

 朋友介紹之下去左荔枝角的工廈餐廳「Monster Kitchen」, 📌入口比較難找,記得要由永康街進入。 店內既有室內雅座,也有露天茶座,打卡飲嘢傾偈也相當有氣氛~ 店家會定時更新menu,更會有不同的today special。 ⭐️推薦❗脆炸吉列蝦·紅咖喱麵包碗($98) 上枱嘅時候我地都好驚訝,冇諗過一份炸物小食會咁大份咁足料!😳 吉列炸蝦🍤有8隻之多, 即叫即炸,炸得金黃酥脆,食嘅時候仲熱辣辣~🔥 吉列蝦炸皮薄而脆,肉質彈牙鮮味, 麵包碗好大個,焗得香脆可口, 紅咖哩味道濃郁,微辣惹味,配包或吉列蝦都好正!😎 不過如果咖喱份量多啲就更好! ⭐️推薦❗秘製烤焗半隻大黃雞·幼滑薯蓉·松露蘑菇燒汁($158) 店家好好,因為小妹唔食薯角嘅關係,所以可以轉薯蓉~🙏🏻☺️ 大黃雞肉質鮮嫩多汁,就咁食已經好好味, 蘸上松露蘑菇燒汁,味道👅更上一層樓。 ⭐️推薦❗牛油粟米醬燴飯·風乾火腿及香煎北海道帶子($158) 燴飯散發出柔和嘅牛油粟米香, 配上鹹香嘅風乾火腿和鮮甜味美嘅帶子, 簡單而美味😋。 整體來說, 「Monster Kitchen」食物質素相當好,好大份又足料! 價錢夠實惠,性價比超高!😎 餐廳環境幽雅,適合傾偈或傾生意,唔怪得我老細成日黎呢度見客🤣。 地址: Monster Kitchen (荔枝角) 荔枝角青山道688-690號嘉名工廠大廈H座7樓 營業時間: 星期一至日: 12:00-21:30
最近的文章

新蒲崗港式地道小菜火鍋🍲🤤

 講起新蒲崗打邊爐,數一數二嘅一定係「玫瑰餐廳陳儀興」! 不論小菜和火鍋都相當唔錯, 真材實料,價錢親民,性價比高! 附近都好多街坊幫襯,經常坐無虛席,所以最好book左位先去~😏 涼涼地食返個暖笠笠又滋補嘅湯底~ 🌟推薦❗️驚蔘鐵棍雞($188/半隻) 清香粉糯嘅鐵棍淮山,配上海蔘等滋補食材, 湯底濃郁, 建議可以先飲左個湯,再加其他配料~😏 新鮮雞件厚肉,肉質嫩滑味美~ 「玫瑰餐廳陳儀興」有多款配料都可以雙拼,兩個人打邊爐都可以試多幾款野食啦!😎 有靚湯底,梗係要叫返個菜嚟吸吓湯嘅精華~ 唐生菜($26) 一份都幾大份,又夠新鮮,價錢又唔貴,超值!😎 鮮肉青+鮮魚腩($62)(雙拼另加$5) 🌟推薦❗️鮮肉青同豬頸肉好似樣,肥瘦相間, 嚐起來比普通豬頸肉更爽嫩鮮香~👍🏻 鮮魚腩半份有4塊之多,都算幾新鮮。 🌟推薦❗️自家手包韮菜餃+ 手包芫荽粟米餃($53)(雙拼另加$5) 餃子🥟一睇就知皮薄餡靚, 餃子皮晶瑩剔透,從薄薄嘅外皮已經透露出餡料十足! 每日新鮮包製確實係好食啲😋~ 爽口墨魚卷+響鈴卷($57)(雙拼另加$5) 墨魚卷確實係幾爽口彈牙; 不過響鈴卷就比較令人失望,口感唔夠脆。 極品黑豚肉($98) 薄切西班牙豚肉,像牛肉一樣涮至變色便可吃~ 肉質軟嫩,肉味十足!🐖 🌟推薦❗️黑松露豬肉丸($78) 極品黑松露配上新鮮豬肉, 松露香氣撲鼻,肉丸味道鮮甜,肉汁豐富~ 一份有8粒,超值!👍🏻 鹹檸樂($23)比個大冰杯你自己篤檸檬🍋~一罐細可樂唔夠喉仲可以再加多罐😂 金銀花茶($20)自家製,夠健康!👍🏻 地址:   玫瑰餐廳陳儀興 (新蒲崗) 新蒲崗爵祿街33A-37A號百勝工廠大廈地下 營業時間: 星期一至六:07:00-22:30 星期日休息

無限時任飲任食台式火鍋放題,必試自家製餃子!😎

 講到無限時任食台式火鍋,一定會諗起「鍋霸」!😎 無限時任食最大嘅吸引力,莫過於可以同朋友慢慢嘆慢慢傾偈!😏 全日供應三款套餐,每位$308起, 有超過60款火鍋配料,如安格斯肥牛、海鮮、鴨血、手工餃子等, 多款飲品🥤任飲~ 仲可以選購酒精類飲品:啤酒、紅白酒都有,成班同事可以不醉無歸😂。 至於湯底,選擇都好豐富,共16款之多~想食鴛鴦湯底加$48就可以啦。 🔸藥膳椰子雞鍋 用椰漿代替椰水,味道香甜, 雞件全部都係🍗雞髀位置,肥美肉嫩。 🔹養生姬松茸什菌鍋 鍋內配料十足,有姬松茸、豆卜、冬菇、粟米等,味道清香健康~ 打邊爐之前可以先調配個醬汁,仲可以試吓餐廳推薦嘅黃金比例~😏 自家製手工辣醬🌶️辣勁十足,嗜辣嘅人必試! 前菜麻辣手拍青瓜和秘製麻辣木耳,係可以無限追加。 每枱都會奉上一份自家製Shake Shake鹹蛋黃魚皮, 將魚皮放入紙袋,再加入調味粉Shake勻, 調味粉有海苔、芝士、梅子和香辣。 不過本身鹹蛋黃魚皮唔沾其他調味粉,都已經夠鹹香惹味!☺️ 📌$308及$408最大分別在於牛肉和豬肉嘅級別! $308餐嘅Prime Grade美國安格斯肥牛其實都相當唔錯,肉香味美! ⭐️推薦❗ Prime Grade安格斯牛頸脊 牛頸脊即牛頸與肩胛之間,這個部位運動量較多,所以肉質爽滑有咬口,甘香味濃。 至於豬肉片嘅味道, 雖說無激素豬肉片其實唔差,食落一啲都唔嚡口,仲有柔和嘅甘香, 但伊比利亞黑毛豬就更優秀!🤤 ⭐️推薦❗西班牙伊比利亞黑毛豬 口感柔軟,肉汁豐富,回味甘香~ 海鮮種類都唔少, 有海蝦、脆骨腩、脆鯇魚片、白鱔片、魚雲、深海魚柳等。 其他火鍋料都相當唔錯, 有幾款自家製手工丸及餃子🥟都幾出色! ⭐️推薦❗手工潮汕豬肉丸 採用新鮮豬肉手打而成,肉質鮮嫩,味道可口,一試難忘! ⭐️推薦❗手工梅菜豬肉丸 豬肉丸好食,但加埋梅菜就更鹹香惹味!朋友足足encore左3-4碟😂 ⭐️推薦❗手工香菇雞軟骨餃 餃子皮煙韌,雞軟骨餡好有咬口!😂必試! ⭐️推薦❗足八吋長蟹棒 小編最鍾意食蟹柳,結實有韌性,極仿真,鮮味十足! 仲有芝士小籠包、墨魚腐皮條、濃芝豆腐燒、芫荽燒賣都值得一試!🥰 飲品選擇多,有多款汽水、台式果茶等, 亦有自家製樽仔冷泡茶和涼茶, 有凍有熱, 啱晒養生me😂😂,暖暖哋飲個薑母茶超正!☺️ 甜品每人有Häagen-